Իրանի նորընտիր նախագահ Մասուտ Փեզեշքիան խորհրդարանին ներկայացուց իսլամական հանրապետութեան 14-րդ կառավարութեան համար առաջարկուած նախարարներուն անուանացանկը՝ ստանալու համար երեսփոխաններուն վստահութեան քուէն: Նախագահին առաջարկին մէջ, Արտաքին գործերու նախարարութեան համար նախատեսուած է Ապպաս Արաքժիի թեկնածութիւնը, որ նախապէս կը վարէր նախարարութեան բանբերի, ապա փոխնախարարի պաշտօնը:
