Ռուսիոյ Արտաքին գործերու նախարարութեան բանբեր Մարիա Զախարովա շեշտեց, թէ ռուսական հողերուն ուղղութեամբ ուքրանական յարձակումին պատասխանը շատ պիտի չուշանայ եւ ուքրանացիները երկար պիտի չսպասեն: «Մենք հաշուեյարդարի պիտի ընթարկենք մեր հողերուն նկատմամբ ոտնձգութիւններ գործողները՝ ներառեալ ուքրանացիներն ու անոնց արտերկրեայ հովանաւորները», սպառնաց Զախարովա՝ յիշեցնելով, որ ռուսական Քուրսք նահանգին դէմ ուքրանական յարձակումները զինուորական առումով չունին ռազմավարական յատկանշութիւն: Նախապէս, Քուրսքի կառավարիչին գործակատարը յայտնած էր, որ ուքրանական յարձակումներէն վիրաւորուած մարդոց թիւը բարձրացած է առնուազն 13-ի՝ ներառեալ երկու ծանր պարագաներ:
Միւս կողմէ, ուքրանացի զինուորական բարձրաստիճան պատասխանատու մը յայտնեց, որ ռուսական հողեր ներթափանցելու իրենց փորձերուն նպատակն է շեղել ռուսական ուժերուն կեդրոնացումը եւ պատերազմը փոխադրել Ռուսիա: Անոր համաձայն, Քուրսքի գործողութիւնը ոգեւորած է ուքրանացիները եւ բարձրացուցած՝ անոնց տրամադրութիւնը:
