Իսրայէլի ազգային անվտանգութեան հարցերու նախարար, ծայրայեղ աջի ներկայացուցիչ Իթմար Պեն Ղաֆիր կոչ ուղղեց Կազայի բնակչութիւնը քաջալերելու, որ հեռանան իրենց հողէն, շեշտելով Կազան վերագրաւելու անհրաժեշտութիւնը: Պեն Ղաֆիր առաջարկեց նաեւ առկախել սննդանիւթի եւ ուժանիւթի Կազա առաքումը՝ մինչեւ որ ազատ արձակուին իսրայէլացի գերիները:
Իսրայէլեան լրատուամիջոցներ հաղորդեցին, որ Կազայի պատերազմին մասնակցած խումբ մը սպաներ զինուած ուժերու սպայակոյտին տեղեկացուցած են, որ իրենք տակաւին հեռու են «Համաս»ի պարտութիւնը յայտարարելէ: Սպաները զարմանք յայտնած են, թէ ինչպէս իսրայէլացի բարձրաստիճան անձնաւորութիւններ յաճախ կը պնդեն, որ յաղթանակը մօտալուտ է:
