Յորդանանի Ապտալլա թագաւորը եւս կոչ ուղղեց անյապաղ զինադադար յայտարարելու Կազայի մէջ: Ամերիկացի գոնկրէսականներու օգնականներուն պատուիրակութիւնը ընդունած ատեն թագաւորը յստակացուց, որ իր երկիրը ռազմահրապարակ պիտի չդառնայ, մերժելով յորդանանցիներուն ապահովութիւնը ենթարկել որեւէ վտանգի: Թագաւորը ուստի զգուշացուց պատերազմի ընդարձակումին հետեւանքներէն, փոխարէնը կարեւորելով զինադադարի համաձայնութիւնը:
