Ազգային ազատ հոսանքի նախագահ, երեսփոխան Ժըպրան Պասիլ յայտնեց, որ լիբանանցիներուն միջեւ ներքին առճակատումը արգիլուած է, լիբանանցիներուն ընկերային անվտանգութիւնը Հոսանքին համար առաջնահերթութիւն է: «Մենք Իսրայէլի հետ պատերազմը կը մերժենք, բացի եթէ յարձակում ըլլայ անոնց կողմէ», ըսաւ Պասիլ՝ շեշտելով, որ ներքին միլիսներու առկայութեան ժամանակաշրջանը անցած է ու պէտք չէ վերադառնայ:
