=
Ուրուկուէյի մէջ Հայաստանի Հանրապետութեան արտակարգ եւ լիազօր դեսպան Մարիամ Գէորգեանը հանդիպած է Մոնթեվիէոյի քաղաքապետ Մաուրիսիօ Սունինոյի հետ:
Հանդիպման ընթացքին կողմերը բարձր գնահատած են հայ-ուրուկուէյական յարաբերութիւններու բարեկամական բնոյթը, երկու երկիրներու միջեւ կապերու ամրապնդման գործին մէջ կարեւորած են ուրուկուէյահայ համայնքին դերակատարութիւնը:
Դեսպանութիւնը կը նշէ, որ զրուցակիցները երկուստեք գոհունակութիւն յայտնած են Մոնթեվիտէոյի քաղաքապետարանին կողմէ կազմակերպուող միջոցառումներու, մասնաւորապէս՝ Զբօսաշրջութեան միջազգային տօնավաճառին եւ Սնունդի տարածաշրջանային ցուցահանդէսին ՀՀ դեսպանութեան մասնակցութեան առնչութեամբ:
ՀՀ դեսպանն ու Մոնթեվիտէոյի քաղաքապետը նաեւ անդրադարձած են Երեւանի եւ Մոնթեվիտէոյի միջեւ համագործակցութեան հաստատման հեռանկարներուն:
