Հայաստանի մէջ ընդդիմադիր շարժումը առաջնորդող Բագրատ արք. Գալստանեան դժգոհեցաւ, թէ այսօր պարտադրուածը խաղաղութիւն չէ, այլ՝ ստորացում, ազգային արժանապատուութեան ուրացում եւ հայրենազրկում, առանց ոտքի կանգնելու հնարաւորութեան: «Աւելի քան հարիւր տարի անցած է, սակայն միջազգային հանրութիւնը տակաւին կը տատամսի որպէս ցեղասպանութիւն ճանչնալ հայերուն կոտորածները՝ ոչ միայն հայերու, այլեւ ամբողջ մարդկութեան նկատմամբ», բողոքեց սրբազանը եւ ցաւով դիտել տուաւ, թէ քաղաքական շահերը, երկակի չափանիշերը եւ յարաբերական բարոյականութիւնը այսօր աւելի ծանր կը կշռեն քան ճշմարտութիւնն ու արդարութիւնը: Ան ահազանգեց, որ սպասուած խաղաղութիւնը պիտի ըլլայ ժամանակաւոր եւ փխրուն:
