Փարիզի 17-րդ շրջանի քաղաքապետ Ժոֆղուա Պուլարը քաղաքային այգին մէջ հիւրընկալած է Հայաստանի ողիմպիական հաւաքականի անդամներ, Ողիմպիական խաղերու մետալակիր ըմբիշներ Արթուր Ալեքսանեանը եւ Մալխաս Ամոյեանը:
Միջոցառման մասնակցած են նաեւ ՀՀ կրթութեան, գիտութեան, մշակոյթի եւ մարմնամարզի նախարարի տեղակալ Կարէն Գիլոյեանը, Ֆրանսայի մէջ ՀՀ դեսպան Յասմիկ Տոլմաճեանը, Հայաստանի ողիմպիական պատուիրակութեան անդամներ, բազմաթիւ երկրպագուներ:
Ողջունելով մարզիկները, Փարիզի 17-րդ շրջանի քաղաքապետը շնորհաւորած է զանոնք Փարիզ-2024-ին ունեցած տպաւորիչ մրցելոյթներուն եւ նուաճած մետալներուն առթիւ: Ժոֆղուա Պուլարը ընդգծած է՝ Հայաստանի եւ Ֆրանսայի միջեւ յարաբերութիւնները մշտապէս առանձնացած են ջերմութեամբ ու բարեկամութեամբ:
ՀՀ կրթութեան, գիտութեան, մշակոյթի եւ մարմնամարզի նախարարի տեղակալ Կարէն Գիլոյեան շնորհակալութիւն յայտնած է ջերմ ընդունելութեան եւ սրտացաւ վերաբերմունքին համար: Կարէն Գիլոյեան ընդգծած է, որ Հայաստանի ողիմպիական պատուիրակութիւնը խաղերու ամբողջ ընթացքին կը զգայ թէ՛ Փարիզի իշխանութիւններուն, թէ՛ ֆրանսացի ժողովուրդին աջակցութիւնն ու բարեկամական վերաբերմունքը:
Փարիզի Ողիմպիական խաղերու արծաթէ մետալակիր Արթուր Ալեքսանեանն ու պրոնզէ մետալակիր Մալխաս Ամոյեանը եւս շնորհակալութիւն յայտնած են հիւրընկալութեան եւ երկրպագութեան համար: Ներկաները ողջունած է նաեւ Ֆրանսայիմ էջ ՀՀ արտակարգ եւ լիազօր դեսպան Յասմիկ Տոլմաճեանը:
Այնուհետեւ, հայ մարզիկները լուսանկարուած են Փարիզի 17-րդ շրջանի քաղաքային այգին մէջ հաւաքուած երկրպագուներուն հետ, ինքնագրեր բաժնած են անոնց:
