Իսրայէլեան բանակը շարունակեց իր գործողութիւններն ու բռնարարքները Կազայի մէջ, ուր պաղեստինեան կազմակերպութիւններուն հետ ընթացող մարտերուն ընթացքին զոհուեցան երկու լրագրողներ եւս՝ Թամիմ Մուամմարը եւ Ապտալլա Սուսին: Պաղեստինեան առողջապահական մարմիններուն համաձայն, Խան Եունէսի նորագոյն գործողութիւններէն մահացած է 29 մարդ: Իսկ Նուսայրաթ, Մաղազի եւ Ժապալիա գաղթակայաններուն մէջ մահացած է 8 պաղեստինցի:
