Ուքրանիան Մեքսիքոյէն խնդրած է ձերբակալել Ռուսաստանի նախագահ Վլատիմիր Փութինը, երբ վերջինս ժամանէ երկիր՝ նախագահ Գլաուտիա Շէյնպաումի երդմնակալութեան մասնակցելու։
Այս մասին յայտնած է Մեքսիքոյի մէջ Ուքրանիոյ դեսպանութիւնը։
Ուքրանացի դիւանագէտները յոյս յայտնած են, որ Մեքսիքոյի կառավարութիւնը գիտէ, որ «Վլատիմիր Փութինը ռազմական յանցագործ է, որ ուքրանացի երեխաները առեւանգելու եւ բռնի ուժով Ռուսաստան տեղափոխելու կասկածանքով կալանաւորելու հրաման ունի՝ տրուած Միջազգային քրէական դատարանին կողմէ», որուն իրաւասութիւնը կ’ընդունի Մեքսիքօն։
«Միեւնոյն ժամանակ մենք վստահ ենք, որ Մեքսիքոյի կառավարութիւնը որեւէ պարագայի պիտի կատարէ ձերբակալութեան միջազգային հրահանգը՝ զայն ներկայացնելով Լահէյի ՄԱԿ-ի դատական մարմինին»,- ըսուած է նամակին մէջ։
Նշենք, որ 7 Օգոստոսին Մեքսիքօն Փութինը հրաւիրած է երկրի նորընտիր նախագահի երդմնակալութեան։
2023 թուականին Միջազգային քրէական դատարանը Փութինը ձերբակալելու հրահանգ տուած է՝ մեղադրելով զայն Ուքրանիայէն հարիւրաւոր երեխաներու ապօրինի արտաքսման մէջ, եւ այժմ Ռուսաստանի առաջնորդը կրնայ կալանաւորուիլ բոլոր այն երկիրներուն մէջ, որոնք վաւերացուցած են Հռոմի կանոնադրութիւնը:
