Վարչապետի պաշտօնակատար Նեժիպ Միքաթի վարչապետարանին մէջ ընդունեց Լիբանանի մէջ սննդանիւթ ներածող ընկերութիւններու սեփականատէրերու սենտիքայի նախագահ Հանի Պոհսալին՝ քննարկելու սննթանիւթի ոլորտին իրավիճակը եւ զգայուն օրերուն այդ առումով բարձրաձայնուած տարաձայնութիւնները: Պոհսալի յայտնեց, որ բաւարար սննթանիւթ կայ բոլոր լիբանանցիներուն համար եւ հաւաստիացուց, որ ցարդ մարդիկ խուճապային գնումներու չեն դիմած: Միքաթի իր կարգին հաւաստիացուց, որ աշխատանք կը տարուի լարուածութիւնը մեղմելու ուղղութեամբ, միաժամանակ հաստատելով, որ մագլցումի պարագային ջանք պիտի թափուի բաց պահելու նագահանգիստը, որպէսզի չխափանուի անհրաժեշտ նիւթերու ներածումը:
Իսկ հանրօգուտ աշխատանքներու եւ փոխադարութեան հարցերու նախարարի պաշտօնակատար Ալի Համիէ այցելեց խորհրդարանի նախագահ Նեպիհ Պըրրիին եւ անոր ներկայացուց օդակայանին եւ նաւահանգիստներուն աշխատանքը շարունակելու ուղղութեամբ նախարարութեան ներդրած ջանքերը: Համիէ հերքեց նաեւ, որ մարտանաւեր հասած ըլլան Լիբանան:
