Ընդդիմադիր քաղաքական ուժեր ներկայացնող խումբ մը երեսփոխաններ այցելեցին Լիբանանի մէջ ՄԱԿ-ի յանձնակատար Ժանին Հենիս Փլասխարթին՝ քննարկելու լիբանանեան ու տարածաշրջանային զարգացումները: Երեսփոխանները դատապարտեցին Լիբանանը պատերազմի առաջնորդելու քայլը եւ յանձնառութիւն յայտնեցին ՄԱԿ-ի 1701 բանաձեւին, պահանջելով ճնշում բանեցնել Իսրայէլի վրայ, որպէսզի վերջ տայ Լիբանանի դէմ ոտնձգութիւններուն, միաժամանակ կանխելով լիբանանեան հողերէն սկսող ռազմական գործողութիւնները՝ լիբանանեան բանակին եւ ԵՈՒՆԻՖԻԼ-ի խաղաղապահներուն միջեւ համագործակցութեամբ: Երեսփոխանները ՄԱԿ-էն պահանջեցին նաեւ օգնութիւն՝ նաւահանգիստի պայթումին հարցով իրականութիւնը բացայայտելու համար: Փլասխարթ, իր կարգին, ներկայացուց միջազգային կազմակերպութեան աշխատանքը՝ շրջանային լարուածութիւնը մեղմելու ուղղութեամբ:
