«Ազատութիւն» ռատիօկայանին տուած հարցազրույցին, Ատրպէյճանի նախագահի ներկայացուցիչ, դեսպան Էլչին Ամիրպեքով անդրադարձած է հայ-ատրպէյճանական խաղաղութեան բանակցութիւններուն, Ատրպէյճանի պահանջներուն ու հաղորդակցութիւններու ապաշրջափակման։
«Ատրպէյճանի դէմ տարածքային պահանջները, որոնք ներառուած են Հայաստանի գործող սահմանադրութեան մէջ, կը մնան Պաքուի եւ Երեւանի միջեւ խաղաղ գործընթացին մէջ հետագայ յառաջընթացի միակ խոչընդոտը»,- նշած է Ամիրպեքովը։
Ըստ Ամիրպեքովի՝ այս պահուն բանակցութիւններուն նպաստող գործօններէն մէկը այն է, որ երկու կողմերն ալ համաձայնութեան եկած են մնացեալ հարցերէն ամենավիճայարոյցի՝ այսպէս կոչուած «Զանգեզուրի միջանցքին» շուրջ․ «Փոխադարձ համաձայնութեամբ մենք որոշեցինք հանել այս կէտը խաղաղութեան համաձայնագրէն եւ տեղափոխել քննարկումը աւելի ուշ փուլ… Այսպիսով, մենք որոշեցինք հանել այն բնագրէն, բայց դեռ կրնանք արտացոլել այն փաստը, որ սա այն հարցերէն մէկն է, որուն կրնան վերադառնալ երկիրները ապագային՝ քննարկելու եւ համաձայնութեան գալու համար»,- եզրափակած է ան։
