Թուրքիոյ իշխանութիւնները յայտարարեցին, թէ կը միանան Միջազգային արդարադատութեան ատեանին մօտ Իսրայէլի դէմ դատական հայց ներկայացուցած Հարաւային Ափրիկէին: Նշեալ հայցը Իսրայէլը կ’ամբաստանէ Կազայի մէջ պաղեստինցիներուն նկատմամբ ցեղասպանութիւն գործելու մէջ: Անքարա վստահութիւն յայտնեց, որ ատեանը կրնայ Իսրայէլին պարտադրել իր որոշումներուն գործադրութիւնը: «Մենք որպէս պետութիւն եւ ժողովուրդ կը կանգնինք Պաղեստինեան դատին կողքին», յայտարարեց Իսրայէլի հետ տարիներ շարունակ սերտօրէն համագործակցող Թուրքիոյ իշխանութիւնը:
