Թուրքիոյ նախագահ Ռեճեպ Թայիպ Էրտողան, շարունակելով իր արշաւը Իսրայէլի դէմ, յայտարարեց, թէ Իսրայէլ ոչ միայն վտանգ է Լիբանանի ու Պաղեստինի համար, այլ ամբողջ աշխարհին համար: Ան աւելցուց, որ Իսրայէլ շրջանի միակ երկիրն է, որ իր ապահովութիւնը կը փնտռէ կազմակերպելով ջարդեր ու գրաւելով երկիրներ: Ըստ Էրտողանի, Իսրայէլ կը վարուի ահաբեկչական կազմակերպութեան մը նման:
Ակնարկելով Փարիզի մէջ Ողիմպիական խաղերու առիթով ներկայացուած Վերջին ընթրիքի տեսարանին, ան յայտարարեց, թէ ան ցոյց կու տայ այն սպառնալիքը որ մեզի դէմ է: Ան մարդկութեան ստորնացումի օրինակ մըն է, այն մարդուն որ ստեղծուած էակներուն ամենաազնիւն է ու զայն հասցնել անասուններէ աւելի ստորին մակարդակի:
