Պաղեստինեան «Համաս» կազմակերպութիւնը յայտարարեց, թէ Խան Եունէս շրջանէն իսրայէլեան ուժերու քաշուելէ ետք, մենք ականատես դարձանք ահաւոր կործանումի մը շէնքերու եւ ենթակառուցուածքի: Երեք հարիւր անմեղ զոհերու դիակներ հանուեցան փլատակներու տակէն, ցոյց տալով որ իսրայէլեան ուժեր պաղարիւնութեամբ գործադրած են սպանդ:
Կազմակերպութիւնը արաբական աշխարհը եւ միջազգային ընտանիքը մեղադրեց լուռ մնալու մէջ, բան մը որ պատճառ դարձաւ որ Իսրայէլ շարունակէ իր անմարդկային քաղաքականութիւնը պաղեստնցի ժողովուրդին նկատմամբ: Ան կոչ ուղղեց արաբական աշխարհին ստանձնելու իր պարտականութիւնը զսպելու համար իսրայէլեան սանձարձակ ոճիրները:
