Հայաստանի Հանրապետութեան մէջ Եւրոպական միութեան դիտորդական առաքելութեան ղեկավար Մարքուս Ռիթըրը հանդիպած է Հայաստանի մէջ իր դիւանագիտական առաքելութիւնը աւարտող Էսթոնիոյ արտակարգ եւ լիազօր դեսպան Ռինա Քալիւրանտին։
Այս մասին ԵՄ առաքելութիւնը X-ի էջով գրառում կատարած է՝ յաւելելով, որ Հայաստանի մէջ Էսթոնիոյ դեսպանը միացած է նաեւ Գորիս քաղաքի հատուածին մէջ պարեկութիւն իրականացնող խումբին։
«Առաքելութեան ղեկավար Մարքուս Ռիթըրը հանդիպած է Հայաստանի մէջ Էսթոնիոյ դեսպան Ռինա Քալիւրանտին, ով կ՛աւարտէ իր առաքելութիւնը Հայաստանի մէջ։ Դեսպանը միացած է նաեւ Գորիսի շրջանին մէջ պարեկութիւն իրականացնող խումբին»,- նշած է առաքելութիւնը՝ շնորհակալութիւն յայտնելով դեսպանին համագործակցութեան եւ առաքելութեան գործունէութեան մէջ Էսթոնիոյ ունեցած ներդրման համար:
