Հայաստանի Հանրապետութեան Անվտանգութեան խորհուրդի քարտուղար Արմէն Գրիգորեանը հանդիպում ունեցած է ԱՄՆ Կովկասեան բանակցութիւններու հարցերով աւագ խորհրդական Լուի Պոնոյի հետ:
Հանդիպման ընթացքին զրուցակիցները քննարկած են տարածաշրջանային անվտանգութեան ու կայունութեան առնչուող հարցեր, անդրադարձ կատարած են Հայաստանի եւ Ատրպէյճանի միջեւ յարաբերութիւններու կարգաւորման գործընթացին եւ վերջին զարգացումներուն:
ԱԽ քարտուղարը վերահաստատած է տարածաշրջանին մէջ համապարփակ ու երկարատեւ խաղաղութեան հաստատման հայկական կողմի յանձնառութիւնը:
