Հայաստանի մէջ Գերմանիոյ դեսպանութիւնը կ՛առաջարկէ նոր հարթակ, որ հնարաւորութիւն կու տայ դիւրին եւ ապահով ընթացակարգով դիմելու Գերմանիա մուտք գործելու եւ Գերմանիոյ մէջ երկարաժամկէտ կացութեան վիզայի համար:
«Auslandsportal նոր հարթակը հնարաւորութիւն կու տայ դիւրին եւ ապահով ընթացակարգով դիմելու Գերմանիա մուտք գործելու եւ Գերմանիոյ մէջ Ձեր երկարաժամկէտ կացութեան վիզայի համար։ Առցանց լրացուցէք Ձեր դիմումը եւ յանձնեցէք Երեւանի մէջ Գերմանիոյ դեսպանութեան՝ դիմումի լիարժէքութիւնը նախապէս ստուգելու համար։ Այդպէս Դուք առանց սպասելացուցակին մէջ նախնական գրանցման կրնաք լաւագոյնս նախապատրաստուիլ դեսպանութեան մէջ կայանալիք արագացուած անձնական հարցազրոյցին, որուն ընթացքին պիտի ներկայացնէք Ձեր կենսաչափական տուեալները (մատնահետք եւ լուսանկար)։
Ներկայիս հասանելի են միայն երկարաժամկէտ կացութեան համար տրուող որոշակի վիզայի տեսակներու (այսպէս կոչուած Ազգային վիզաներու) համար առցանց դիմելու հնարաւորութիւնները։ Վիզայի միւս տեսակներու, յատկապէս Շանս-քարտի համար առցանց դիմելու հնարաւորութիւնները պիտի յաջորդեն քայլ առ քայլ»,- նշուած է դեսպանութեան տարածած հաղորդագրութեան մէջ:
