Ատրպէյճանի Պաշտպանութեան նախարարութիւնը ապատեղեկատուութիւն տարածած է մեղադրելով Ֆրանսան եւ Միացեալ Նահանգները ապագային տեղի ունենալիք որեւէ պատերազմի համար: Նախարարութիւնը սպառնացած է Հայաստանին նոր պատերազմով:
Ըստ նախարարութեան, Միացեալ Նահանգներու զինեալ ուժերու կատարած ռազմափորձը Հայաստանի մէջ, ֆրանսական զէնքի վաճառքը հայկական կողմին եւ Եւրոպական միութեան կողմէ Հայաստանին յատկացուած 10 միլիոն եւրոյի դրամական օժանդակութիւնը Խաղաղաութեան եւրոպական հիմնադրամի անունով, կը ներշնչեն Հայաստանը անգամ մը եւս պատերազմ սկսելու Ատրպէյճանի դէմ: Ընդհանրապէս այսպիսի ապատեղեկատուութեան տարածումին կը յաջորդէ ռազմական գործողութիւն Ատրպէյճանի կողմէ:
