Ռուսական Դաշնութեան Տուման կամ Խորհրդարանը իր վերջին նիստին հրապարակեց յայտարարութիւն մը, որուն մէջ կը դատապարտէ Իսրայէլի Քնեսէթի օրէնքը, որ կը մերժէ պաղեստինեան պետութեան մը հաստատումը: Յայտարարութեան մէջ ըսուած է, թէ Իսրայէլի Քնեսէթին որոշումը միջազգային օրէնքի խախտում է, որովհետեւ Պաղեստինի գրաւեալ մասը միջազգային օրէնքին ենթակայ է ու գրաւող պետութիւնը իրաւունք չունի խախտելու միջազգային օրէնքը՝ մերժելով պաղեստինեան պետութեան մը գոյութիւնը: Նաեւ այս որոշումը անկայունութիւնը պիտի աւելցնէ Միջին Արեւելքի շրջանին մէջ:
