Պաղեստինեան իշխանութեան Կազայի մէջ գործող Առողջապահութեան նախարարութիւնը յայտարարեց, թէ վերջին 24 ժամերուն Իսրայէլ գործադրած է 3 սպանդ, որոնց զոհ գացած են 30 անձ ու վիրաւորուած են 146 հոգի: Զոհերու թիւը 7 Հոկտեմբերէն ի վեր բարձրացած է 39.175-ի, իսկ վիրաւորներուն թիւը՝ 90.403-ի:
Միւս կողմէ, պաղեստինեան «Համաս» կազմակերպութեան զինեալ թեւ «Ալ Քասսամ» գումարտակի մարտիկներ Խան Եունէսի շրջանին մէջ գործադրած են մարդորսական գործողութիւն: Գումարտակը, միանալով «Սարայա Ալ Քուտս»ի մարտիկներուն, ականանետերով ռմբակոծած են իսրայէլեան ուժերու խմբաւորումներ նոյն քաղաքին մէջ: Իսկ հարաւային Ռաֆահ քաղաքին մէջ պայթեցուցած են երկու փապուղիներու մուտքերը, երբ այդտեղ մուտք գործած են իսրայէլացի զինուորներ:
