Հայաստանը եւս մէկ անգամ կը վերահաստատէ Ատրպէյճանի հետ խաղաղութեան պայմանագիր ստորագրելու վերաբերեալ իր պատրաստակամութիւնը:
Այս մասին ըսաւ Հայաստանի Ազգային ժողովի նախագահ Ալէն Սիմոնեանը՝ խորհրդարանին մէջ ԱՄՆ ծերակուտական Ռոճըր Ուիքըրի գլխաւորած գոնկրէսական պատուիրակութեան անդամներուն հետ համատեղ ասուլիսի ընթացքին:
Անդրադառնալով լրագրողի հարցումին, թէ ինչ պատճառով կը ձգձգուի խաղաղութեան պայմանագրի ստորագրումը՝ Սիմոնեան ըսաւ. «Հայաստանի Հանրապետութեան կողմէ խաղաղութեան պայմանագրի մասով որեւէ ձգձգում չկայ, մենք պատրաստ ենք զայն ստորագրելու: Կարելի է ըսել՝ այդ հարցը, գնդակը կը գտնուի ատրպէյճանական կողմին մօտ»:
