Հունգարիոյ վարչապետ Վիքթոր Օրպան անակնկալ այցելութիւն մը տուաւ Ռուսական Դաշնութեան նախագահ Վլատիմիր Փութինին, Մոսկուայի մէջ: Իր հիւրը ընդունած ատեն, նախագահ Փութին յայտարարեց, թէ Ուքրանիոյ մէջ զինադադարը պէտք է ըլլայ վերջնական եւ ոչ թէ առիթ տալու համար Ուքրանիոյ վերազինուելու: Ուքրանական ուժերը պէտք է քաշուին այն չորս շրջաններէն, որոնք ժողովրդային հանրաքուէով դարձան Ռուսական Դաշնութեան մաս: Փութին աւելցուց, որ վարչապետ Օրպանի հետ խօսած է այն ծանր վիճակին մասին, որ կը տիրէ Ուքրանիոյ եւ Եւրոպայի մէջ, ծագած պատերազմին պատճառով:
