Միացեալ Թագաւորութեան խորհրդարանական ընտրութեան մեծ յաջողութիւն արձանագրած Աշխատաւորական կուսակցութեան ղեկավար Քիյր Սթարմըր Ռէյչըլ Ռիվզը նշանակեց ելեւմտական նախարար: 800 տարիէ ի վեր ան առաջին կին ելեւմտական նախարարն է: Ան Տէյվիտ Լամը նշանակեց արտաքին գործերու նախարար, իսկ Ճոն Հիլը՝ պաշտպանութեան նախարար: Սթարմըր Անժէլա Ռայնըրը նշանակեց փոխվարչապետ, իսկ Իվէթ Քուփըրը՝ ներքին գործերու նախարար:
Ընտրութեան արդիւնքին համաձայն, Միացեալ Թագաւորութեան թագաւոր Չարլզ Գ. Քիյր Սթարմըրը նշանակած էր երկրի վարչապետ: Նշանակումէն ետք Սթարմըր յայտարարեց, թէ Թագաւորութեան բնակչութիւնը քուէարկեց փոփոխութեան համար եւ ժամն է վերադարձնելու վստահութիւնը ժողովուրդին ու իշխողին միջեւ:
Միւս կողմէ, պահպանողական վարչապետ Ռիչի Սունաք իր վրայ վերցուց կուսակցութեան պարտութեան պատասխանատուութիւնը եւ որոշեց հրաժարիլ կուսակցութեան ղեկավարի եւ վարչապետի պաշտօններէն:
Միացեալ Թագաւորութեան արտաքին գործերու նորընտիր նախարար Տէյվիտ Լամ պահանջեց զինադադար հաստատել Կազայի հատուածին մէջ:
