Հայաստանի Հանրապետութեան մէջ Եւրոպական միութեան պատուիրակութեան ղեկավար, դեսպան Վասիլիս Մարակոսի կարծիքով՝ Հայաստանի դիմակայունութիւնըն ուղղուած չէ իր հարեւաններուն դէմ, ընդհակառակը՝ այդ դիմակայունութիւնն ու Հայաստանի անվտանգութեան մակարդակի բարձրացումը ներդրում է նաեւ հարեւաններուն համար։
Վասիլիս Մարագոս այս մասին յայտնած է «ՀՀ-Արեւելեան Գործընկերութիւն-ԵՄ. մարտահրաւէրներն ու հնարաւորութիւնները» խորագրով քննարկման շրջանակներուն մէջ։
Անդրադառնալով գիւղատնտեսութեան ոլորտին մէջ Հայաստանի եւ Եւրոպական միութեան միջեւ փոխգործակցութեան՝ Մարակոս նշած է, որ ԵՄ-ն շարք մը ծրագրերու շրջանակներուն մէջ աջակցած է այդ ոլորտին։
«Այցելած եմ քանի մը գիւղատնտեսական տնտեսութիւններ, որոնք կ՛աշխատին ԵՄ աջակցութեամբ, սակայն համաձայն եմ այն միտքին հետ, որ այդ ուղղութեամբ կարելի է աւելի շատ աշխատանք իրականացնել»,- նկատած է ան։
ԵՄ դեսպանը կարծիք յայտնած է, որ Եւրամիութիւնը պատրաստ է աջակցելու Հայաստանէն արտահանման, աշխատելու չափանիշերու ուղղութեամբ եւ պատրաստ է նաեւ ներկայացնելու այս հարցով անդամ երկիրներու փորձը։
«Միջազգային կարգի, իրաւունքահենք յարաբերութիւններու պայմաններուն մէջ, ուր բոլորը կ՛աջակցին, բարեխղճօրէն կը յարաբերին, Հայաստանի դիմակայունութիւնը հաստատ իր հարեւաններուն դէմ չէ, ընդհակառակը՝ այն եւ Հայաստանի անվտանգութեան մակարդակի բարձրացումը ներդրում է նաեւ հարեւաններուն համար»,- ընդգծած է Մարակոս՝ յաւելելով, որ ԵՄմ-ին համարկումը աւելի լայն իմաստով կը վերաբերի նաեւ այս հանգամանքին։
