Նահատակ վարչապետ Ռաֆիք Հարիրիի որդին Պահաա Հարիրի երէկ հասաւ Պէյրութ եւ օդակայանէն յայտարարեց, թէ «եկած ենք շարունակելու Ռաֆիք Հարիրիի ուղեգիծը, որուն կը մնանք յանձնառու եւ կը խոստանանք գործադրել անոր սկզբունքները»: Կ’ակնկալուի, որ Հարիրի պաշտօնական եւ ժողովրդային տեսակցութիւններ ունենայ լիբանանեան բոլոր շրջաններուն մէջ՝ Հարիրի ընտանիքին քաղաքական աւանդը վերահաստատելու եւ անցնող տարիներուն Սաատ Հարիրիի բացակայութեամբ յառաջացած բացը փակելու մտադրութեամբ:
