Երեւանի աւագանին 2-րդ նստաշրջանի 5-րդ նիստին կողմ քուէարկեց քաղաքի՝ 2024 թուականի պիւտճէի պահեստային ֆոնտէն Ալավերտի համայնքին 50 միլիոն դրամ յատկացնելու առաջարկին: Այդ գումարը պիտի ուղղուի մայիսեան ջրհեղեղէն տուժած Ալավերտիի մէջ օժանդակ ծրագրերու իրականացման:
Այդ նախաձեռնութիւնը նախապէս արժանացած էր Երեւանի քաղաքապետարանի Գլխադասային, ֆինանսավարկային եւ տնտեսական հարցերու մշտական յանձնաժողովի դրական եզրակացութեան:
Նախագիծը նիստի պատուիրակներուն ներկայացուց Երեւանի աւագանիի «Քաղաքացիական պայմանագիր» խմբակցութեան անդամ Լուսինէ Գէորգեանը: Ան նշեց, որ մայրաքաղաքը մշտապէս գտնուելով երկրի միւս քոյր համայնքներու կողքին եւ ղեկավարուելով «Երեւան քաղաքին մէջ տեղական ինքնակառավարման մասին» օրէնքի համապատասխան դրոյթներով՝ օգնութեան ձեռք կը մեկնէ Ալավերտիին:
