Հանրային փոխադդրութեան նոր շարժակազմերը Երեւանի մէջ պիտի ըլլան Հոկտեմբերին: Մայրաքաղաքի աւագանիի 2-րդ նստաշրջանի 5-րդ նիստին այդ մասին յայտնեց Երեւանի ղեկավար Տիգրան Աւինեանը:
Երեւանի մէջ հանրային փոխադրութեան միասնական տոմսային համակարգ պիտի ներդրուի միայն նոր շարժակազմերու շահագործման պահէն:
«Շարժակազմերը կը նախատեսուի ստանալ Հոկտեմբերին: Ձեւակերպումներ իրականացնելու, զանոնք գիծեր մտցնելու եւ որոշակի գիտարուեստական լուծումներ ապահովելու համար ընդամէնը առաջարկուած է ժամկէտը (նկատի ունի միասնական տոմսային համակարգի ներդրման – խմբ.) տեղափոխել Յունուար 1-ին: Վստահաբար՝ Նոյեմբերի 1-ին ալ, Դեկտեմբեր 1-ին ալ կը հասցնեինք: Այդ 1-2 ամիսներուն կարելի է ըսել հնարաւորութիւն կը տրուի կատարելու հնարաւոր բոլոր ծրագրային շտկումները, որպէսզի Յունուար 1-էն ամբողջական եւ անթերի ներդրուի միասնական տոմսային համակարգը»,- պարզաբանեց քաղաքապետը:
