ՀՀ արտաքին գործերու նախարարի տեղակալ Պարոյր Յովհաննիսեան ընդունած է Հայաստանի Հանրապետութեան մէջ Մալթայի Հանրապետության նորանշանակ դեսպան Ճովաննի Միչելին (նստավայրը՝ Վալեթա)՝ հաւատարմագրերու պատճէնի յանձնման առիթով:
ՀՀ արտաքին գործերու նախարարին տեղակալը շնորհաւորած է դեսպան Միչելիին եւ մաղթած է արգասաբեր աշխատանք նոր պաշտօնին մէջ: Պարոյր Յովհաննիսեանը համոզմունք յայտնած է, որ դեսպանը առաւելագոյն ջանքեր պիտի գործադրէ Հայաստանի եւ Մալթայի միջեւ յարաբերութիւններու հետագայ զարգացման եւ խորացման ուղղութեամբ:
Հանդիպման ընթացքին զրուցակիցները անդրադարձ կատարած են ինչպէս երկկողմ, այնպէս ալ բազմակողմ համագործակցութեան առնչուող հարցերու շրջանակին, այդ շարքին՝ Հայաստան-ԵՄ գործընկերութեան հետագայ խորացման: Կարեւորուած է փոխադարձ հետաքրքրութիւն ներկայացնող ոլորտներուն մէջ համագործակցութեան ընդլայնումը։
Հանդիպման ընթացքին Պարոյր Յովհաննիսեանը դեսպանին ներկայացուցած է Հայաստանի եւ Ատրպէյճանի միջեւ յարաբերութիւններու կարգաւորման գործընթացին վերաբերեալ հայկական կողմին դիրքորոշումները, ինչպէս նաեւ Հայաստանի կառավարութեան կողմէ մշակված «Խաղաղութեան խաչմերուկ» նախագիծը։
Զրուցակիցները քննարկած են նաեւ միջազգային եւ տարածաշրջանային շարք մը այլ հարցեր:
