Երէկ Մարոնի պատրիարքի նստավայր Պքերքէի մէջ գումարուեցաւ ընդհանուր ժողով մը Լիբանանի տարբեր համայնքներու կրօնական ղեկավարներու մակարդակով եւ քաղաքական ղեկավարներու մասնակցութեամբ: Ներկաները ժողով պիտի գումարեն Վատիկանի քարտուղար կարտինալ Փեթրօ Եարոլինի հետ: Բոլոր համայմքներու ներկայացուցիչները ներկայ էին բացի շիի համայնքի ներկայացուցիչէն: Ներկայ էին նաեւ քրիստոնէական բոլոր կուսակցութիւններու ներկայացուցիչները նախագահի կամ ներկայացուցիչի մակարդակով:
Մարոնիներու պատրիարք կարտինալ Մար Պշարա Պութրոս Ռահի յայտարարեց, թէ Վատիկանի քայլը յոյս մը է որ կը տրուի մեզի լիբանանցիներուս՝ այս երկիրը դուրս հանելու համար ներկայ ծանր վիճակէն:
Շիի համայնքի հոգեւոր առաջնորդ շէյխ Ահմատ Քապալան կոչ ուղղեց այս ժողովին մասնակցողներուն, մանաւանդ պապական ներկայացուցիչին, որ Լիբանանի մէջ ընտրեն նախագահ մը, որ նաեւ նկատի կ’առնէ իսլամ համայնքին շահերը, ինչպէս որ այդ համայնքը պաշտպանեց իր քրիստոնեայ եղբայրներուն շահերը: Ան աւելցուց, որ երկանային բոլոր վարդապետութիւնները դէմ են անողորմ իշխողին ու պայքարի կոչ կ’ուղղեն պայքարելու անոր դէմ: Նախագահը պէտք է ընտրուի բոլոր համայնքներուն կողմէ, բոլորին շահերը յարգելով:
