Հայաստանի վարչապետ Նիկոլ Փաշինեան շեշտեց Հայաստանի մէջ իրականացուող խորքային փոփոխութիւնները Սփիւռքի մէջ եւս իրականացնելու կարեւորութիւնը: Հայաստանի պետական կառավարումի մարմիններուն մէջ Սփիւռքէն մասնագէտներ ներգրաւող «Ի գործ» ծրագրի մասնակիցներուն կետ ունեցած տեսակցութեան ընթացքին Փաշինեան շեշտեց, որ այսօրուան մտածողութիւնը կը կեդրոնանայ Հայաստանի պետականութեան, Հայաստանի Հանրապետութեան վրայ: «Պէտք է վերջ դրուի այն միտքին, որ Հայաստան դիտարկուի որպէս Սփիւռքի կառավարումի օժանդակ գործիք մը, կամ հակառակը», ըսաւ Փաշինեան: «Անընդհատ որ կը յայտարարէք, թէ տասը միլիոն հայ կայ աշխարհի մէջ, արդեօք կա՞յ այդ հայերուն ցուցակը», հարց տուաւ Փաշինեան:
Հայաստանի վարչապետը տեսակցեցաւ նաեւ Հայաստանի մէջ Գերմանիոյ դեսպանին հետ եւ ներկայացուց խղաաղութեան օրակարգին քննարկումները:
