Հայաստանի Լոռիի եւ Տաւուշի մարզերուն մէջ, Մայիսին տեղացած յորդառատ անձրեւներուն պատճառով առաջացած հեղեղումներէն առաւել շատ վնասներ կրած գիւղերուն աջակցելու նպատակով, Եւրոպական միութիւնը կը յատկացնէ 100 հազար եւրօ մարդասիրական օգնութիւն:
Հայաստանի մէջ Եւրոպական միութեան պատուիրակութենէն յայտնեցին, որ Եւրոպական միութեան ֆինանսաւորումը կը յատկացուի՝ օժանդակելու համար Հայկական Կարմիր խաչի ընկերութեան խիստ անհրաժեշտ, որոնց կարգին դրամական օգնութիւն եւ անհրաժեշտ պարագաներ ուղարկելու:
Մարդասիրական օգնութիւնը կը միտի օգտակար ըլլալ ընդհանուր առմամբ 5060 շահառուներու, որոնց մէջ 2500 անհատներու, որոնք պիտի ստանան դրամական օգնութիւն` լուծելու իրենց ամէնէն հրատապ կարիքները, եւ 2760 անհատներու, որոնք պիտի ստանան աջակցութիւն բնակարանի տրամադրման, ինչպէս նաեւ ջուրի եւ առաջին անհրաժեշտութեան պայմաններու ապահովման նպատակով: Աջակցութիւնը ուղղուած է այն տնային տնտեսութիւններուն, որոնց տուները, ցանքի հողատարածքները, անասունները եւ պարէնային պաշարները վնասուած են հեղեղումներուն պատճառով:
