Ռուսիան ու Հիւսիսային Քորէան այսուհետեւ իրար պէտք է օգնեն արտաքին վտանգի առկայութեան պարագային: Փիոնկ Եանկի մէջ աւելի քան երկու ժամ տեւած գագաթաժողովի աւարտին, երկու երկիրներուն նախագահները ստորագրեցին ռազմավարական համագործակցութեան համաձայնութիւնը: Ռուսիոյ նախագահ Վլատիմիր Փութին յայտնրեց, որ այս համաձայնութիւնը կը միտի միւս կողմէն զինուորական օգնութիւն ստանալու, եթէ երկու ուժերէն մէկը ենթարկուի արտաքին յարձակումի: Անոր համաձայն, Ռուսիան թիրախաւորելու նպատակով ուքրանացիներուն ռազմական արդիական կործանիչներ եւ ռումբեր յանձնելու որոշումը կը համարուի միջազգային յանձնառութիւններու բացայայտ խախտում:
Ռուսիոյ արտաքին գործերու նախարար Սերկէյ Ռիապքով իր կարգին վստահեցուց, որ երբեք պիտի չյաջողի Ուքրանիան ՆԱԹՕ-ին միացնելու ծրագիրը, մաղթելով որ այդ իրականութիւնը կ’ըմբռնէ դաշինքի ընդհանուր քարտուղար Ենս Սթոլթենպերկը:
