Հըզպալլայի ընդհանուր քարտուղար սայիտ Հասան Նասրալլա յայտնեց, որ եթէ պատերազմ պարտադրուի, ապա իրենք պատրաստ են կռուելու առանց որեւէ սահմանափակումի: «Մենք ունինք իսրայէլեան թիրախներու ամբողջական ցուցակ մը եւ կարողութիւն ունինք մեր հրթիռներով եւ անօդաչու սարքերով հասնելու բոլոր թիրախներուն», յայտնեց Նասրալլա, խօսելով Հըզպալլայի ղեկավարներէն Թալէպ Ապտալլայի յիշատակին առթիւ կազմակերպուած հաւաքի ընթացքին: Հըզպալլայի ընդհանուր քարտուղարը յայտնեց, որ իրենք պատերազմի ութ ամիսներուն ընթացքին գործածած են իրենց զինամթերանոցին միայն մէկ փոքր մասը, միաժամանակ ապահոված են նոր եւ արդիական զէնքեր: Անոր համաձայն, Հըզպալլայի գործողութիւնները եւ դիմադրութեան այլ շարժումներու շարունակական ջանքերը հիւծած են Իսրայէլը եւ դժուարացուցած՝ Կազայի մէջ անոր յարձակումը:
Խօսելով Կիպրոսի մէջ խարիսխներ իսրայէլեան օդանաւերուն դիմաց բանակու որոշումին մասին, Նասրալլա շեշտեց, որ Կիպրոս այդպիրով մաս պիտի կազմէ տարածաշրջանային հակամարտութեան:
