Ամմանի մարդասիրական համագումարին մասնակցող Սպանիոյ վարչապետ Փետրօ Սանչէզ յայտարարեց, թէ իր երկիրը 60 միլիոն եւրօ պիտի տրամադրէ պաղեստինցիներու օժանդակութեան համար: Ան աւելցուց, որ օրէնքը պէտք է ըլլայ գերակայ եւ այս է պատճառը որ իրենք միացան Հարաւային Ափրիկէին պաղեստինցիներու իրաւունքի պաշտպանութեան դատին մէջ: Վարչապետը հաստատեց, որ պէտք է աւելցնել օժանդակութիւնը պաղեստինցի գաղթականներու հարցով զբաղող ԻՒՆՐՈՒԱ-ին ու Կազայի բնակչութեան:
Նոյն համագումարի ընթացքին Միացեալ ազգերու կազմակերպութեան ընդհանուր քարտուղար Անթոնիօ Կութերէշ յայտարարեց, թէ Կազայի բնակչութեան 80 առ հարիւրը զուրկ են ըմպելի մաքուր ջուրէ: Ապահով շրջան չկայ Կազայի մէջ, ըստ ընդհանուր քարտուղարին: Ճամբաները փակ են ու պարէն մեծ դժուարութեամբ կը հասնի գաղթականներուն: Կութերէշ կոչ ուղղեց անյապաղ զինադադար հաստատելու Կազայի մէջ՝ բնակչութիւնը փրկելու համար ներկայի աղիտալի վիճակէն:
