«Համաս»ի ղեկավարներէն Ուսամա Համտան յայտարարեց, թէ Միացեալ ազգերու կազմակերպութեան Ապահովութեան խորհուրդի որդեգրած զինադադարի որոշումը Կազայի համար կրնայ գործադրուիլ եթէ Իսրայէլ որոշէ այդ մէկը: Ըստ Համտանի, որոշումը, հակառակ իր կարգ մը բացթողումներուն, կոչ մըն է Իսրայէլին՝ զինադադար յայտարարելու եւ քաշուելու Կազայէն: Ըստ Համտանի, Միացեալ Նահանգներու արտաքին գործերու նախարար Անթոնի Պլինքընն է որ կը խոչընդոտէ գործադրութիւնը, որովհետեւ կը համագործակցի Իսրայէլի հետ:
