Միացեալ Նահանգներու արտաքին գործերու նախարար Անթոնի Պլինքըն յայտարարեց, թէ աշխարհի բոլոր երկիրները համամիտ են զինադադար հաստատելու Կազայի մէջ ու աւելցուց, որ իրենք կը սպասեն «Համաս»ի պատասխանը: Ամմանի մէջ տեղի ունեցող մարդասիրական հարցերու համագումարի մը մասնակցութեան ընթացքին ան յայտարարեց, թէ պէտք է ստուգենք որ մարդասիրական օժանդակութիւնը կը հասնի Կազայի բնակչութեան: Պլինքըն աւելցուց, որ ըստ իրեն, պաղեստինցի բնակչութիւնը թիւ չէ եւ ան արժանի է խաղաղութեան: Ան հաստատեց, որ Միացեալ Նահանգներ 400 միլիոն ԱՄՆ տոլարի օժանդակութիւն պիտի ապահովէ պաղեստինցիներուն:
