Երէկ մարտական գործողութիւնները շարունակուեցան Պաղեստինի Կազայի հատուածի տարբեր շրջաններու մէջ: Պաղեստինեան «Ժիհատ Իսլամի» կազմակերպութեան զինեալ թեւ «Սարայա Ալ Քուտս» յայտարարեց, թէ հրթիռներով ռմբակոծած են իսրայէլեան բանակի «Քիսովիմ» կեդրոնը: Ռաֆահ քաղաքը թատերաբեմ դարձած է ծանր մարտական գործողութիւններու՝ ներխուժող իսրայէլեան բանակի եւ պաղեստինցի մարտիկներու միջեւ: Գործածուած են գնդացիրներ եւ հակազրահապատ ու հակահետեւակ հրթիռներ: Մարդորսութիւնը մեծ վնաս հասցուցած է իսրայէլեան բանակի հետեւակներուն:
Կազայի մէջ գործող պաղեստինեան իշխանութեան առողջապահութեան նախարարութիւնը յայտարարեց, թէ զոհերու թիւը հասած է 37.164-ի, իսկ վիրաւորներուն թիւը՝ 84.832-ի: Վերջին 24 ժամերուն Իսրայէլ գործադրած է երեք սպանդ, որուն զոհ գացած են 40 հոգի եւ վիրաւորուած են 120 անձեր:
