Հայաստանի Ազգային ժողովի նախագահ Ալէն Սիմոնեան ստորագրեց «Կառավարութեան հրաժարականի» ուղերձով Ազգային ժողովի արտակարգ նիստ գումարելու մասին, որ տեղի պիտի ունենայ յառաջիկայ Երկուշաբթի օր՝ 17 Յունիսին: Նշենք, որ նման նիստի մը գումարումը կը պահանջէ ընդդիմադիր «Տաւուշը յանուն հայրենիքի» շարժումը, գլխաւորութեամբ Բագրատ Արք. Գալստանեանի: Այսուհանդերձ, իշխող Քաղաքացիական պայմանագիր կուսակցութեան երեսփոխանները առայժմ կը մտադրեն չմասնակցիլ նշեալ նիստին, որպէսզի չապահովուի երեսփոխաններու անհրաժեշտ ներկայութիւն եւ նիստը չգումարուի: Երէկուան հանրահաւաքին ընթացքին, Բագրատ սրբազան յայտարարեց 24 ժամ փակ մնացած Բաղրամեան պողովային վրայ վրաններ լարելու եւ այնտեղ մնալու մասին՝ հասնելու իրենց նպաատակին: Անոր խօսքով, 12 Յունիսին Բաղրամեան պողոտայի վրայ պիտի կայանայ յատուկ շարժում, ուստի քաղաքացիներէն պհանջեց մասնակցիլ այդ հաւաքին, որ վճռորոշ կրնայ ըլլայ»:
