Խորհրդարանի նախագահ Նեպիհ Պըրրի անգամ մը եւս մերժեց գումարել Հանրապետութեան նոր նախագահի ընտրութեան խորհրդարանական նիստ, եթէ քաղաքական ուժերը խորհրդակցաբար չհամաձայնին թեկնածուի անունին շուրջ: «Խորհադակցութիւնը պարտադիր անցք է հասնելու նոր նախագահի ընտրութեան», ըսաւ Պըրրի՝ ցաւ յայտնելով, թէ ոմանք տակաւին կը մերժեն դիւրացնել հոլովոյթը եւ մանակցիլ նշեալ խորհրդակցութիւններուն: Այլ գիծի վրայ, Պըրրի հանգստութիւն յայտնեց հարաւի հարցով ամերիկացի եւ ֆրանսացի նախագահներու հանդիպումէն բխած յայտարարութեան մասին: Ազգային ազատ հոսանքի նախագահ Ժըպրան Պասիլ Այն Թինէի մէջ Պըրրիի հետ տեսակցելէ ետք յայտնեց, թէ համաձայնած են, որ համաձայնութիւնը ընտրութենէն կարեւոր է եւ անհրաժեշտ է ապահովել նոր նախագահին իշխանութեան յաջողութիւնը, ոչ միայն անոր ընտրութիւնը:
Իսկ Լիբանանեան ուժեր կուսակցութիւնը հաղորդագրութեամբ մը շեշտեց, որ Հըզպալլայի ու Ամալ շարժումի երեսփոխանները պէտք է յանձնառութիւն յայտնեն նոր նախագահի ընտրութեան նիստերուն մասնակցութեան եւ զանոնք չխափանեն:
