Միացեալ Նահանգներու արտաքին գործերու նախարարի Եւրոպայի եւ Եւրասիոյ հարցերով օգնական Ճէյմզ Օ’պրայընը 10-12 Յունիսին պիտի այցելէ Հայաստան։
Արտաքին գործերու նախարարի օգնական Օ’պրայընը պիտի ղեկավարէ ԱՄՆ-Հայաստան ռազմավարական երկխօսութեան Capstone հանդիպումը՝ վերանայելու երկկողմ յարաբերութիւններու խորացման գործին մէջ ձեռք բերուած նշանակալի յառաջընթացը եւ քննարկելու հետագայ քայլերը։
Օ’պրայընը պիտի հանդիպի նաեւ կառավարութեան բարձրաստիճան պաշտօնեաներու հետ՝ քննարկելու ԱՄՆ աջակցութիւնը Հայաստանի եւ Ատրպէյճանի միջեւ երկարատեւ եւ արժանապատիւ խաղաղութեան համաձայնագրի յառաջընթացին՝ ներառեալ Ալմա-աթայի հռչակագրի օգտագործումը՝ որպէս սահմաններու սահմանազատման հիմք:
Արտաքին գործերու նախարարի օգնական Օ’պրայընը պիտի հանդիպի նաեւ գործարար համայնքի անդամներու հետ եւ պիտի ներգրաւէ քաղաքացիական հասարակութիւնը:
