Վարչապետ Նիկոլ Փաշինեան այցելած է Լոռիի մարզի Ճօճկան բնակավայր, որ հեղեղումներու հետեւանքով յայտնուած էր մեկուսացման մէջ:
Բնակիչները ողջունած եւ շնորհակալութիւն յայտնած են վարչապետին՝ իրականացուող աշխատանքներուն եւ տրամադրուող աջակցութեան համար։
Վարչապետը, խօսակցելով գիւղացիներուն հետ, նշած է, որ Ճօճկանի մէջ առաջին անգամ կը գտնուի եւ ընդգծած է, որ այն շատ տպաւորիչ գիւղ է:
«Իրականութեան մէջ ես շատ կ՛ուզեմ այցելել յատկապէս գիւղեր: Ի հարկէ, միշտ չէ, որ կը յաջողիմ, բայց օր մը շատ հնարաւոր է պատահական, առանց զգուշացնելու այցելեմ»,- ըսած է վարչապետը:
