ՊԱՅՏԸՆԻ ԵՒ ՄԱՔՐՈՆԻ ՅԱՅՏԱՐԱՐՈՒԹԻՒՆԸ
Ամերիկայի Միացեալ Նահանգները եւ Ֆրանսան կ՛աջակցին Հարաւային Կովկասի մէջ արդար եւ կայուն խաղաղութեան հաստատման` հիմնուած միջազգային իրաւունքի եւ ինքնիշխանութեան, սահմաններու եւ տարածքային ամբողջականութեան սկզբունքներու յարգման վրայ:
Այս մասին նշուած է Սպիտակ տան պաշտօնական կայքին մէջ հրապարակուած՝ Պայտընի եւ Մաքրոնի հանդիպման բերումով հրապարակուած համատեղ յայտարարութեան մէջ, որ կը վերաբերի տարբեր տարածաշրջաններու եւ ոլորտներու վերաբերող խնդիրներու:
ԱՄՆ եւ Ֆրանսա յայտարարած են, որ կ՛աջակցին Հարաւային Կովկասի հետագայ տարածաշրջանային համարկման` ի շահ տարածաշրջանի ամբողջ բնակչութեան:
Երկու երկիրները վերահաստատած են իրենց յանձնառութիւնը՝ աջակցելու Վրաստանի ժողովուրդին եվրաատլանտեան ձգտումներուն մէջ։ Նախագահները իշխող «Վրացական երազանք» կուսակցութեան կոչ կ՛ընեն յարգելու հանրութեան ցանկութիւնները եւ վերադառնալու եւրատլանտեան ուղի։
