Հայաստանի վարչապետի աշխատակազմի ղեկավար Արայիկ Յարութիւնեանը ընդունած է Հայաստանի մէջ Ֆրանսայի արտակարգ եւ լիազօր դեսպան Օլիվիէ Տեքոթինին
Զրուցակիցները քննարկած են Հայաստան-Ֆրանսա բազմաոլորտ համագործակցութեան, այդ շարքին՝ տնտեսութեան, ենթակառուցուածքներու, պաշտպանութեան եւ մարդասիրական բնագաւառներուն մէջ համատեղ ծրագրերուն առնչուող հարցերու լայն շրջանակ:
Կողմերը կարեւորած են երկկողմ բարձր մակարդակի փոխայցելութիւններու կազմակերպումը: Արայիկ Յարութիւնեանը ընդգծած է երկու երկիրներուն միջեւ առանձնայատուկ յարաբերութիւններու փաստը՝ յաւելելով, որ Հայաստանի կառավարութիւնը շահագրգիռ է տարբեր ոլորտներու մէջ փոխգործակցութեան զարգացմամբ ու ընդլայնմամբ:
Կողմերը անդրադարձ կատարած են Հայաստանի եւ Ֆրանսայի միջեւ տնտեսութեան ոլորտին մէջ համատեղ ծրագրերուն: Քննարկուած են աշխարհահռչակ հայազգի երգիչ Շարլ Ազնաւուրի 100-ամեակին նուիրուած միջոցառումներուն, ինչպէս նաեւ 2027 թուականին Երեւանի մէջ կայանալիք Ֆրանքոֆոնի խաղերու նախապատրաստական աշխատանքներուն վերաբերող հարցեր:
