Իրանցի մահացած բարձրաստիճան պաշտօնատարներու յուղարկաւորութեան եւ թաղումի արարողութեան մասնակցելու համար Թեհրան ժամանեցին աւելի քան 10 երկիրներու ղեկավարներ, 20 երկիրներու վարչապետներ եւ նախարարներ, եւ աւելի քան 30 այլ պետութիւն ներկայացնող երեսփոխաններ, յատուկ պատուիրակներ եւ այլ պատասխանատուներ: Թեհրան հասնողներու շարքին էին Հայաստանի վարչապետ Նիկոլ Փաշինեանը, Լիբանանի խորհրդարանի նախագահ Նեպիհ Պըրրիի գլխաւորած պատուիրակութիւնը, Քաթարի իշխանը, Սէուտական Արաբիոյ եւ Արաբական Միացեալ Էմիրութիւններու արտաքին գործերու նախարարները:
Համաս շարժումի քաղաքական գրասենեակի նախագահ Իսմայէլ Հանիա յուղարկաւորութեան ընթացքին իր արտասանած խօսքին մէջ վստահեցուց, որ «Պաղեստինի ժողովուրդը պիտի շարունակէ դիմադրութիւնը՝ մինչեւ պաղեստինեան հողի ամբողջական ազատագրումը»:
