Վարչապետի պաշտօնակատար Նեժիպ Միքաթի երէկ վարչապետարանին մէջ գումարեց երկու ժողով՝ ներկայութեամբ ուժանիւթի նախարարի պաշտօնակատարին եւ ուժանիւթային ոլորտը տնօրինող խորհուրդի ներկայացուցիչներուն: Ֆայյատ ժողովէն ետք յայտնեց, որ քննարկած են ելեկտրականութեան թղթածրարը՝ ներառեալ ամռան սեմին ելեկտրամատակարարումի ժամերուն յաւելումը եւ ելեկտրակայաններուն մէջ ելեկտրածին յաւելեալ սարքերու գործարկումը: Ժողովականները արծարծած են նաեւ արեւային վահանակներով ելեկտրականութիւն արտադրող ընկերութիւններուն զօրակցելու հնարաւորութիւնը, որպէսզի արագացնեն իրենց ծրագրերուն գործադրութիւնը Լեռնալիբանանի եւ Հիւսիսի մէջ:
