Խորհրդարանի նախագահ Նեպիհ Պըրրի ընդունեց Արժոյթի միջազգային հիմնադրամի պատուիրակութիւնը եւ անոնց հետ քննարկեց Լիբանանի եւ Հիմնադրամին միջեւ տեղի ունեցող բանակցութեան արդիւնքները: Այս ժողովը կեդրոնացաւ Խորհրդարանի կատարելիք գործին վրայ, որ պիտի ընդգրկէ դրամատնային գաղտնիութեան վերացում եւ դրամատուներու վերակառուցում: Նախագահ Պըրրի շեշտեց, որ դրամատուներու նկատմամբ վստահութիւնը կը վերադառնայ երբ յաճախորդներուն ի պահ դրած բոլոր գումարները կը վերադառնան իրենց տէրերուն:
