Հայաստանի մէջ տեղի ունեցող Վերակառուցման եւ զարգացման եւրոպական դրամատան (ՎԶԵԴ) Կառավարիչներու խորհուրդի 33-րդ տարեկան հանդիպման եւ գործարար համաժողովի շրջանակներուն մէջ Հայաստանի Հանրապետութեան նախագահ Վահագն Խաչատուրեանը հանդիպած է ՎԶԵԴ նախագահ Օտիլ Ռենօ-Պասսոյի հետ:
Վահագն Խաչատուրեանը գոհունակութեամբ արձանագրած է, որ նման նշանակալի միջոցառման Հայաստանի մէջ կայացումը կը վկայէ ՎԶԵԴ-ի եւ Հայաստանի միջեւ սերտ համագործակցութեան բարձր մակարդակին մասին:
Հանդիպման ընթացքին քննարկուած են երկկողմ հետաքրքրութիւն ներկայացնող հարցեր:
Անդրադարձ կատարուած է Հայաստանի տնտեսութեան եւ ֆինանսական համակարգին մէջ ընթացող զարգացումներուն եւ փոփոխութիւններու ուղղութիւններուն, առկայ մարտահրաւէրներուն եւ վերջիններուս յաղթահարման հնարաւորութիւններուն:
Մտքեր փոխանակուած են Հայաստանի դրամագլուխի շուկայի զարգացման, ենթակառուցուածքներու ֆինանսաւորման, ՀՀ տնտեսութեան մէջ շարունակական բարեփոխումներու, դրամատնային համակարգին եւ մասնաւոր հատուածին մէջ զարգացումներու, ինչպէս նաեւ կառավարութեան կողմէ իրականացուող հակափտածութեան քաղաքականութեան հիմնարար սկզբունքներուն շուրջ:
Կողմերը երկուստեք բարձր գնահատած են համատեղ իրականացուող ծրագրերը Հայաստանի տարբեր մարզերուն մէջ եւ երկրի տնտեսութեան տարբեր ոլորտներուն մէջ եւ ընդգծած են երկրի հետագայ զարգացման գործին մէջ վերջին տարիներուն իրականացուող ժողովրդավարական բարեփոխումներուն կարեւորութիւնը:
