ԱՄՆ կը հաւատայ Ատրպէյճանի եւ Հայաստանի միջեւ խաղաղութեան հնարաւորութեան, ճեպազրոյցի ժամանակ յայտնած է ԱՄՆ Պետական Քարտուղարութեան մամուլի քարտուղարի առաջին տեղակալ Վետանթ Փաթելը։
«Մենք կը հաւատանք խաղաղութեան հնարաւորութեան։ Պետական քարտուղարը եւ այլք աշխուժօրէն ներգրաւուած են խաղաղութեան գործընթացին մէջ։ Ես տեղեկութիւն չունիմ կողմերուն միջեւ բանակցութիւններու յառաջընթացին մասին, բայց մենք պիտի շարունակենք աջակցիլ այս գործընթացին»,- ըսած է Փաթել։
